
A PARADA | Programa Municipal de Apoderamento e Prevención das Violencias Machista
04/11/2026
O venres 20 de novembro, ás 11.00 h, o alumnado do CEIP Eduardo Ávila Bustillo e as crianzas das casas niño Meniñeiro e A Porteliña participarán na lectura do Manifesto dos dereitos da infancia no salón de plenos do Concello da Veiga.
Venres 20 · 11.00 h
Lectura do Manifesto dos dereitos da infancia · Salón de plenos do Concello
Domingo 22 · 12.00 h
Obradoiro de ioga en familia · Ximnasio do CEIP Eduardo Ávila Bustillo
Baixo o lema «Na Veiga, a infancia ten voz!», as nenas e os nenos compartirán as súas propostas sobre o concello no que medran e exercerán o seu dereito a opinar e a seren escoitados.
A preparación do manifesto comezou o mércores 18 de novembro no CEIP Eduardo Ávila Bustillo cos obradoiros «Coñecendo os nosos dereitos». Araceli Macías, educadora familiar do Plan de Inclusión IV, traballou co alumnado desde educación infantil ata 6º de primaria para identificar como se viven estes dereitos no día a día e que lles gustaría mellorar na Veiga.
Os obradoiros e o acto do 20 de novembro enmárcanse nas actuacións do programa de Educación Familiar do Plan de Inclusión IV do Concello da Veiga, que conta co apoio da Xunta de Galicia e co cofinanciamento da Unión Europea.
Ioga en familia o domingo 22 de novembro
A programación do Día Mundial das Infancias continuará o domingo 22 de novembro, ás 12.00 h, no ximnasio do CEIP Eduardo Ávila Bustillo, cun obradoiro de ioga para crianzas a partir de 3 anos acompañadas dunha persoa adulta. Yolanda Losada, de Origen13 Escola de Ioga, guiará unha sesión de movemento, xogo e relaxación para compartir en familia.
Este obradoiro conta con financiamento do Plan Corresponsables do Ministerio de Igualdade, a través da Consellería de Política Social e Igualdade da Xunta de Galicia.
Inscricións no obradoiro de ioga · prazas limitadas
988 350 000, extensión 1 (Araceli) · igualdade@aveiga.gal
Carteis
Preme en calquera cartel para amplialo.


